Негізгі орта мектепті бітіру туралы аттестат табысталды.

Бүгін мектеп-лицейімізде 9-сыныпты бітірген оқушыларымызға негізгі мектепті бітіру туралы аттестат табыстау рәсімі болып өтті. Салтанатты жиынды мектеп-лицей директоры Төреқұлова Жанар Шәріпқызы ашып, “Біз Сіздерден жаңалыққа жаны құмар, әлемнің көшіне ілесетін, озық ойлы жастар ретінде үлкен үміт күтеміз. Жаңа Қазақстанның негізгі тірегі де өздеріңіз. Қай кезде де терең білім алу жолында жалықпай, талмай ізденіп, ел тізгінін ұстайтын азамат болуларыңызға тілектеспін, –деп ізгі лебізін білдіріп, түлектерге салтанатты түрде аттестат табыстады.

Салтанатты кештің соңында ата-аналар сөз алып, шәкірттерін білім нәрімен сусындатып, тәлім-тәрбие берген ұстаздарымызға алғыс айтып, оқушыларымызға жарқын болашақ тіледі.