Тал отырғызу-бабамыздан қалған дәстүр.

«Істің басы – ниет». Ниет болса, тақыр жерді де гүлдендіруге болады. Халқымызда «Атадан мал қалғанша, тал қалсын», «Бағбан болсаң, бақ өсір, балама деп тағы өсір» деген аталы сөз бар. Асыл дінімізде де тал егу, жеміс ағаштарын отырғызу сауапты амал саналады. Бір адам қазған құдықтан мың адам су ішсе, бір адам еккен ағаштың көлеңкесі де көп адамға сая болатыны сөзсіз. Осындай қағидаға берік мектеп-лицейдің 9 "Г" сынып оқушылары сынып жетекшілері Есқалиева Майра Нажматқызымен бірге Ұлыстың Ұлы күні Наурыз мерекесіне арналған іс-шаралар жсопарына сәйкес мектеп ауласына ағаш отырғызып, Наурыз тартуын жасады.