Мектебімізде 2021-2022 оқу жылының қорытындысы бойынша ерекшеленіп, жүзден жүйрік, мыңнан тұлпар танылып, додаларда оза шауып бәйге алған шәкірттер мен ұстаздарға арналған салтанатты жиын болып өтті.

Салтанатты шарамызды мектеп-лицей директоры Жұмабаева Үміт Қонысбайқызы мен Бастауыш кәсіподақ ұйымының төрайымы Гүлмира Серікбайқызы ұжымды 2021-2022 оқу жылының аяқталуымен құттықтап, жылы лебіздерін білдірді. Бастауыш кәсіподақ ұйымы тарапынан 30 мұғалім, аудандық білім бөлімі тарапынан 20 мұғалім, "AMANAT" партиясының Сырдария аудандық филиалының тарапынан 5 мұғалім марапатталды.

Жас ұрпаққа сапалы білім мен тәлімді тәрбие берудегі еңбектері және қоғамдық жұмысқа белсенділік танытқаны үшін, биылғы оқу жылында абыройымызды асырып, жетістік төрінен табылған мектеп-лицей ұстаздарына құрмет көрсетілді.

Мектеп ұжымы мен ұстаздарының мақтанышына айналған оқу жылы көлемінде бірқатар білім биігін бағындырған озат оқушыларымыз, "Елбасы медалі" иегерлері, түрлі конкурс жеңімпаздарына да құрмет көрсетілді.

Толассыз еңбек еткен ұстаздарымыз бен мектеп мақтанышына айналған оқушыларымыз аман болсын!