ДІНИ ЭКСТРЕМИЗМНІҢ АЛДЫН АЛУ ПРОФИЛАКТИКАЛЫҚ ШАРАЛАРЫ ҰЙЫМДАСТЫРЫЛДЫ

Қоғамдағы өзекті мәселелердің бірі, діни экстремизм және терроризмнің алдын алу бойынша, «Дәстүрдің қазақ қоғамындағы маңыздылығы», «Әлеуметтік желідегі діни радикалдық ақпараттардан сақтану» тақырыпатында кездесу өткізілді.

Іс-шараға облыстық ақпараттық-түсіндірме топ мүшелері «Сыр дидары» газетінің бас редакторы С. Алдашбаев, «Ақиқат нұры» қоғамдық бірлестігінің төрағасы М. Нұржанов, Қызылорда облысының дін істері басқармасы дін мәселелерін зерттеу орталығының аға маманы Қ. Кеңесбеков қатысты. 

Ақпараттық-түсіндірме топ мүшелері Сырдария ауданына қарасты Тереңөзек кенті, Қалжан ахун, С. Сейфуллин,                  

А. Тоқмағанбетов, Шаған елді мекендерінде ауыл тұрғындарымен және мектеп, колледж оқушыларымен кездесті.

Кездесу барысында қазіргі қоғамдағы әлеуметтік желідегі радикалдық ағымдардың теріс бағыттағы ақпараттарынан сақтандыру және атадан балаға мирас болған салт-дәстүрдің мәнімен мағынасын, дәстүрдің келешек ұрпаққа беретін тәрбиесі жеткізілді.