ЖАЙДАРМАН | ШИРЕК ФИНАЛ

20 мамыр күні Кент мәдениет үйінде Сырдария аудандық қоғамдық даму бөлімінің қолдауымен "Мирас" жастар ұйымы қоғамдық бірлестігінің ұйымдастыруымен жайдарман сайысының ширек финалдық кезеңі өткізілді.

Шараның негізгі мақсаты жастар мен жасөспірімдердің арасындағы достық қарым-қатынасты нығайту, жеке тұлға ретінде қалыптасып, өз ойын анық, әрі нақты жеткізуге, ортада өзін-өзі ұстай білуге тәрбиелеу.

Аудандық жайдарман сайысына Н.Ілиясов,Аманкелді, Қалжан ахун,С.Сейфуллин,Шаған,Бесарық ауылдары мен Кент орталығынан 35,36,131,210 мектеп лицей құрама командалары қатысып, өзара ұпай үшін таласты.

Аталған сайыста облыстық жайдарман филиалының атқарушы директоры - Руслан Байбуланов, Сырдария аудандық қоғамдық даму бөлімінің әдіскері - Ахметова Айгүл, "Тіршілік тынысы" газетінің тілшісі - Ордабеков Балтабай, Сырдария аудандық мәдениет үйінің режиссері - Қадырбай Бексұлтан қазылық етті.

Жайдарман сайысында мектебіміздің атынан қатысқан “36 жұлдыздары” командасы жартылай финалға жолдама иеленді.


