"Мың бала" жобасы

Ауылдық жерлердегі мектеп оқушыларының таланттары мен қабілеттерін дамыту және қолдау үшін жағдайлар жасау мақсатында жыл сайын ұйымдастыралатын  "Мың бала" жобасы ауылдық жерлердегі 5 және 6-сынып оқушылары арасынан 1000 дарынды баланы анықтауға, олардың құрдастарымен сәтті бәсекеге түсе отырып, еліміздің ең үздік білім ошақтарында оқуға мүмкіндік беретін олимпиадалардың бірі. Осы «Мың бала»  олимпиадасының І кезеңінен сүрінбей өткен  мектеп-лицейіміздің 6-сынып оқушылары Байсынова Инабат, Әлайдар Медет, Гоббор Нұрдаулет, Дастанұлы  Абылай, Кеңесбаева Нұрила, Әлібекұлы Димаш олимпиаданың ІІ кезеңіне қатысып келді. Оқушыларымызға сәттілік тілейміз!