ОҚУШЫЛАР "ТАУ ЖАНАШАР" ЛАГЕРІНДЕ ТЫНЫҒЫП КЕЛДІ

2022 жылдың 22 маусымы мен 2 шілдесі аралығында аудан әкімі М.Ергешбаевтың қолдауымен және аудан кәсіпкерлерінің демеушілігімен 104 бала Алматинская область, Есік қаласындағы "Тау жанашар" лагерінде демалып келді. 

Табиғаты әсем тау баурайында орналасқан лагерьде тынығушылар әрбір күнді мәнді әрі қызықты етіп өткізді. Алғашқы күннен бастап жас шамаларына қарай топтарға бөлініп, лагерь ауысымының соңына дейін тәлімгерлердің ұйымдастыруымен өткізілген түрлі шараларға белсене қатысты. Еліміздің өзге өңірлерінен келген оқушылар арасынан жаңа достар тауып, әр күнді қызықты ойын, керемет би кешімен аяқтады.

Осы орайда, аудандық білім бөлімі осындай керемет демалысты ұйымдастырған «Тау Жанашар» лагері  ұжымына және қолдау шараларына атсалысқан демеушілерге өз алғысын білдіреді.