Баршаңызды 30 тамыз Қазақстан Республикасының Конституция күнімен құттықтаймын!

1995 жылы бүкілхалықтық референдумда Конституцияның қабылдануы барлық қазақстандықтар үшін ерекше оқиға болды.

Конституция - халықтың бірлігін, қоғамдық және рухани келісімін нығайтып, егемендік пен саяси тұрақтылықтың кепіліне айналды.

Сіздерге және сіздердің отбасыларыңызға зор денсаулық, мол бақыт, амандық, Қазақстан Республикасын өркендету жолында толағай табыстар мен жетістіктер тілеймін!

Ізгі ниетпен,

N36 мектеп-лицей директоры

Төреқұлова Жанар Шәріпқызы

Қазақстан Республикасы Мемлекеттік рәміздері күнін мерекелеу барысында ұйымдастырылған "Желбіре көк Туым" челленджінің   қорытындысы бойынша  №36 Ә.Тәжібаев атындағы мектеп-лицейінің 1 "в" сынып оқушысы Әділбек Шүкіржан жеңімпаздар қатарынан көрінді. Кішкентай бүлдіршінімізді үлкен жеңісімен құттықтаймыз!

Жетекшісі: Құлпеисова Азиза Серікбайқызы.

Құрметті ұжымдастар!

Баршаңызды 15 мамыр - Халықаралық отбасы күні мерекесімен құттықтаймын!

Отанға деген сүйіспеншілік - отбасынан басталады. Туған шаңырақтан алған тәрбие - бұл барша халқымыздың бақуатты да табысты болашағының кепілі.Сондықтан да жеке адамның бойындағы ар-ұятын, ақыл-ойын, адамгершілігін, мәдениеттілігін тәрбиелеуде отбасы алғашқы қадам болып саналады. Өте қажетті, басқадай еш нәрсемен өзгертуге болмайтын баспалдақ арқылы біз еліміздің ертеңіне айналар саналы ұрпақ тәрбиелейміз. 

Сол себепті де біз отбасын Отанның кішкентай бір бөлшегі ретінде қарастырамыз. Ендеше, Отанымыз, Тәуелсіз мемлекетіміздің мәртебесі одан әрі артып, көк байрағы биіктен желбірей берсін! Әрбір шаңыраққа шаттық пен бақыт, мықты денсаулық, ырыс-береке, толағай табыстар тілеймін.

Ізгі ниетпен,

N36 Ә.Тәжібаев атындағы мектеп-лицейінің директоры Төреқұлова Жанар Шәріпқызы

"Менің Отаным - Қазақстан" туристік экспедициялық жасақтардың республикалық слетінің облыстық кезеңінде "Туризм - спорт,  денсаулық, демалыс" бағыты  бойынша №36 Ә.Тәжібаев атындағы мектеп-лицейінің 7-сынып оқушысы Талғатұлы Рамазан ІІІ орын иеленді. Жетекшісі: тарих пәнінің мұғалімі Мусева Нұргүл Әбілханқызы. Жеңімпаздарымызды құттықтаймыз!

Сіздерді 7 мамыр - Отан қорғаушылар күні мен 9 мамыр - Жеңіс күні мерекесімен шын жүректен құттықтаймын! 

Адамзат тарихындағы ең ауыр күндердің аяқталғанына биыл 78 жыл толып отыр. Аңсатып жеткен Жеңіс күнінің қадірі бәріміз үшін тым қымбат. 

Ауыр күндердегі адал еңбектеріңіз  үшін бас иіп , алғыс білдіреміз!

Сіздерге мықты денсаулық, бақыт, ұзақ ғұмыр тілеймін!

Ізгі ниетпен,

N36 Ә.Тәжібаев атындағы мектеп-лицейінің директоры

Төреқұлова Жанар Шәріпқызы

Сіздерді 1 мамыр – Қазақстан халықтарының бірлігі мерекесімен шын жүректен құттықтаймын! Әрбір отбасына амандық пен саулық тілеймін. 

Бұл мереке достық пен татулықтың мерекесі. Бір шаңырақ астындағы татулығымыз бен бірлігіміз бекем, ынтымағымыз мәңгілік болғай. Еліміз аман болсын! Мереке құтты болсын!

Ізгі ниетпен, 

N36 Ә.Тәжібаев атындағы мектеп-лицейінің директоры Жанар Шәріпқызы

2023 жылдың 28 сәуір күні Қызылорда қаласындағы С.Шаухаманов атындағы 

9 дарынды балаларға арналған облыстық "Білім инновация"  лицей-интернатында 7-11 сынып оқушылары арасында "Жарқын болашақ" атты республикалық олимпиаданың облыстық кезеңі болып өтті. Олимпиадаға мектеп-лицейіміздің 7”б” сынып оқушысы Жұматай Каусар “Бейнелеушілер бағыты" бойынша қатысып, жүлделі 3-орын алды.

Жетекшісі: Қосмамбетова Ақмарал Сабырқызы.

2023 жылдың 25 сәуір күні аудан әкімінің орынбасары Д.Байдушев тоғызқұмалақтан республикалық ұлттық мектеп лигасында 7-8, 9-10 сынып оқушылары арасында жеңіске жетіп, чемпион атанған N36 Ә.Тәжібаев атындағы мектеп-лицей құрамасының оқушыларымен кездесті. Аудан әкімінің орынбасары кездесу барысында ауданның жетістігі тағы бір үлкен жеңіспен толыққанын, бұл жеңістің күшті рух пен үздіксіз шынығу мен үлкен еңбектің арқасында келгенін айтып өтті. Кездесуде ауданымыздың абыройын асқақтатқан оқушыларымызға аудан әкімінің алғыс хаты мен арнайы сыйлығы табысталды.

24 сәуір күні №36 Ә.Тәжібаев атындағы мектеп-лицейінде "Қыз тәрбиесі - ұлт тәрбиесі" тақырыбында Аудандық  аналар кеңесінің төрайымы, ауданымыздың құрметті азаматы Өтегенова Балшекер Сұлтанбекқызы мен Аудандық әйелдер кеңесінің төрайымы, ауданымыздың құметті азаматы Жаналиева Ұлмекен Шанайқызының қатысуымен мектеп-лицейіміздің 8-11 сынып қыз балаларымен өнеге сабағы болып өтті. Сабақ барысында қонақтарымыз Ұлмекен Шанайқызы мен Балшекер Сұлтанбекқызы қыз балаларымызға өз ақыл-кеңестерін айтып, қыз бала болашақ ана, ана - әйел адам екенін айта келе, әйел - бесік иесі, демек, әйелдің жайы түзелмей, бесігіміз түзелмейді, бесігіміз түзелмей – еліміз толық түзелмейтінін тілге тиек етті.  «Қызым үйде – қылығы түзде» демекші, қыз баланың жүріс-тұрысы мен киім киісі тәрбиенің негізі болып саналатынын айта келе, «Ұлтыңды тәрбиелеймін десең, ұлыңа, халқыңды тәрбиелеймін десең, қызыңа тәлім бер» деген сөз бекер айтылмағанын сөз етті. Сабақ соңында мектеп-лицей директоры Жанар Шәріпқызы сөз алып, «қыз» деген сөздің өзі әдеміліктің, жан - жақты сұлулықтың рәмізі екенін ескертіп, рухани - адамгершілік, әдептілік, сыпайылық, тиянақтылық, имандылық, тазалық тәрізді  қасиеттерді бойларына сіңіре білуге шақырды. Қорытынды сөзді мектеп-лицейіміздің 8 "г" сынып оқушысы Дастанова Зере Ерболқызы алып, бүгінгі өнеге сабақтан алған мол әсерімен бөлісті.

19 сәуір күні балалардың техникалық шығармашылығын дамыту, тұлғаның шығармашылық құзыреттілігінде бәсекелестік артықшылықтарын қалыптастыру, білім алушылардың өзін-өзі кәсіби анықтауы үшін жағдай жасау мақсатында өткізілген "Техникалық шығармашылық және өнертапқыштар" байқауының аудандық кезеңінде мектеп-лицейіміздің 3 "в" сынып оқушысы Мұхтарұлы Сабыржан "БАГГИ 10Э" моделі бойынша І орын иеленіп облыстық кезеңге жолдама алды.

Ал 6-сынып оқушысы Тимуров Дамиржан РЦБ класы моделі бойынша алғыс хатқа ие болды. 

Облыстық кезеңге жолдама алған оқушымыз Сабыржанға сәттілік тілейміз!