Баршаңызды 30 тамыз Қазақстан Республикасының Конституция күнімен құттықтаймын!

1995 жылы бүкілхалықтық референдумда Конституцияның қабылдануы барлық қазақстандықтар үшін ерекше оқиға болды.

Конституция - халықтың бірлігін, қоғамдық және рухани келісімін нығайтып, егемендік пен саяси тұрақтылықтың кепіліне айналды.

Сіздерге және сіздердің отбасыларыңызға зор денсаулық, мол бақыт, амандық, Қазақстан Республикасын өркендету жолында толағай табыстар мен жетістіктер тілеймін!

Ізгі ниетпен,

N36 мектеп-лицей директоры

Төреқұлова Жанар Шәріпқызы

Құрметті ұжымдастар!

Баршаңызды 15 мамыр - Халықаралық отбасы күні мерекесімен құттықтаймын!

Отанға деген сүйіспеншілік - отбасынан басталады. Туған шаңырақтан алған тәрбие - бұл барша халқымыздың бақуатты да табысты болашағының кепілі.Сондықтан да жеке адамның бойындағы ар-ұятын, ақыл-ойын, адамгершілігін, мәдениеттілігін тәрбиелеуде отбасы алғашқы қадам болып саналады. Өте қажетті, басқадай еш нәрсемен өзгертуге болмайтын баспалдақ арқылы біз еліміздің ертеңіне айналар саналы ұрпақ тәрбиелейміз. 

Сол себепті де біз отбасын Отанның кішкентай бір бөлшегі ретінде қарастырамыз. Ендеше, Отанымыз, Тәуелсіз мемлекетіміздің мәртебесі одан әрі артып, көк байрағы биіктен желбірей берсін! Әрбір шаңыраққа шаттық пен бақыт, мықты денсаулық, ырыс-береке, толағай табыстар тілеймін.

Ізгі ниетпен,

N36 Ә.Тәжібаев атындағы мектеп-лицейінің директоры Төреқұлова Жанар Шәріпқызы

Сіздерді 7 мамыр - Отан қорғаушылар күні мен 9 мамыр - Жеңіс күні мерекесімен шын жүректен құттықтаймын! 

Адамзат тарихындағы ең ауыр күндердің аяқталғанына биыл 78 жыл толып отыр. Аңсатып жеткен Жеңіс күнінің қадірі бәріміз үшін тым қымбат. 

Ауыр күндердегі адал еңбектеріңіз  үшін бас иіп , алғыс білдіреміз!

Сіздерге мықты денсаулық, бақыт, ұзақ ғұмыр тілеймін!

Ізгі ниетпен,

N36 Ә.Тәжібаев атындағы мектеп-лицейінің директоры

Төреқұлова Жанар Шәріпқызы

Сіздерді 1 мамыр – Қазақстан халықтарының бірлігі мерекесімен шын жүректен құттықтаймын! Әрбір отбасына амандық пен саулық тілеймін. 

Бұл мереке достық пен татулықтың мерекесі. Бір шаңырақ астындағы татулығымыз бен бірлігіміз бекем, ынтымағымыз мәңгілік болғай. Еліміз аман болсын! Мереке құтты болсын!

Ізгі ниетпен, 

N36 Ә.Тәжібаев атындағы мектеп-лицейінің директоры Жанар Шәріпқызы

24 сәуір күні №36 Ә.Тәжібаев атындағы мектеп-лицейінде "Қыз тәрбиесі - ұлт тәрбиесі" тақырыбында Аудандық  аналар кеңесінің төрайымы, ауданымыздың құрметті азаматы Өтегенова Балшекер Сұлтанбекқызы мен Аудандық әйелдер кеңесінің төрайымы, ауданымыздың құметті азаматы Жаналиева Ұлмекен Шанайқызының қатысуымен мектеп-лицейіміздің 8-11 сынып қыз балаларымен өнеге сабағы болып өтті. Сабақ барысында қонақтарымыз Ұлмекен Шанайқызы мен Балшекер Сұлтанбекқызы қыз балаларымызға өз ақыл-кеңестерін айтып, қыз бала болашақ ана, ана - әйел адам екенін айта келе, әйел - бесік иесі, демек, әйелдің жайы түзелмей, бесігіміз түзелмейді, бесігіміз түзелмей – еліміз толық түзелмейтінін тілге тиек етті.  «Қызым үйде – қылығы түзде» демекші, қыз баланың жүріс-тұрысы мен киім киісі тәрбиенің негізі болып саналатынын айта келе, «Ұлтыңды тәрбиелеймін десең, ұлыңа, халқыңды тәрбиелеймін десең, қызыңа тәлім бер» деген сөз бекер айтылмағанын сөз етті. Сабақ соңында мектеп-лицей директоры Жанар Шәріпқызы сөз алып, «қыз» деген сөздің өзі әдеміліктің, жан - жақты сұлулықтың рәмізі екенін ескертіп, рухани - адамгершілік, әдептілік, сыпайылық, тиянақтылық, имандылық, тазалық тәрізді  қасиеттерді бойларына сіңіре білуге шақырды. Қорытынды сөзді мектеп-лицейіміздің 8 "г" сынып оқушысы Дастанова Зере Ерболқызы алып, бүгінгі өнеге сабақтан алған мол әсерімен бөлісті.

Қазақстанның барлық облыстары мен қалалары қатысып жатқан халықаралық "FAST суперқаһармандары" жобасына Қызылорда облысы бойынша біздің мектеп-лицейіміздің 2-3 сынып оқушылары қатысып жатыр. Жалпы 20 аймақтан 20 мектеп қатысып жатқан 5 аптадан тұратын жобада балаларға арналған интерактивті білім беру бағдарламасы үйретілуде. Сонымен қатар бұл жоба  қолөнер және мультфильмдер арқылы балаларды инсульттің алғашқы белгілерін тануға , оның себебін анықтауға және шұғыл медициналық көмек көрсетуге үйретеді. Қатысып жатқан шәкірттерімізге сәттілік тілейміз!

Ү.ж сәуір айының 18-20 аралығында "жалпы білім беретін пәндер" негізіндегі  қоғамдық-гуманитарлық пәндер олимпиадасының IV республикалық (қорытынды) кезеңі өтеді. Бұл кезеңге облыстық кезеңде топ жарған  мектебіміздің 11-сынып оқушысы Супиянов Расул орыс сыныптарындағы қазақ тілі мен әдебиеті пәні бойынша қатысады. Мектеп-лицей директоры Төреқұлова Жанар Шәріпқызы оқушының республикалық кезеңіне дайындық барысын бақылап, сәттілік тілеп, аудан,сондай-ақ мектеп абыройын биіктен көрсете біледі деген сенімін білдірді.

Қазіргі уақытта жасөспірімдердің арасындағы құқық бұзушылықтардың алдын алу өзекті мәселе болып отыр. Осы орайда №36 Ә.Тәжібаев атындағы мектеп-лицейінің кезекшілік тобы түнгі рейдке шықты.

Іс-шараның мақсаты - Қазақстан Республикасының заңына сәйкес кәмелеттік жасқа толмаған жастардың түңгі 23:00 ден кейін заңды өкілінсіз көшеде немесе ойын-сауық орталықтарында жүруі бойынша тексеру. Қазіргі таңда жасөспірімдер арасындағы қылмыстың өршіп тұруы, ата-ананың қарауынсыз қалуы, тәлім – тәрбие мәселелерін қолға алу және келеңсіз жағдайлардың алдын алу.

ҚҰРМЕТТІ АТА-АНАЛАР!

Тәртіп-тәрбие бастауы. Сіздің қатаң бақылауыңыз - балаңыздың  қауіпсіздігінің кепілі. Сондықтан да беймезгіл уақытта балаңыздың көшеде жүруіне жол бермеңіз!

Жасөспірімдер мен  балалар арасындағы құқықбұзушылықтың алдын алу мақсатында және балалар қауіпсіздігін қамтамасыз ету мақсатында мектеп директоры, тәрбие ісі жөніндегі орынбасарлар, психологтар, әлеуметтік педагог пен жоғары сынып жетекшілері бірлесіп түнгі рейдке шықты. Рейд барысында мұғалімдер ауданымыздағы барлық ойын-сауық орталықтары мен спорт алаңдарын, жасөспірімдер көп шоғырланатын аймақтар мен парк, орталық алаңдарды аралап, түсіндірме жұмыстарын жүргізді. Рейд барысында ешқандай құқықбұзушылық пен тәртіпсіздік орын алған жоқ. Бала қауіпсіздігі - баршамызға ортақ. Сондықтан да бұл жұмыстар жалғасын таппақ.