"Өздігінен білім жетілдіру — кәсіби кемелденуге мүмкіндік"

         Қазіргі қоғам адамнан прогрессивті ойлай  алатын, белсенді әрекетті, жан – жақты болуды талап етеді. Біздің елімізде жаңаша  білім беруде әлемнің алдыңғы қатарлы  мемлекеттерінің қатарына  ену мақсатында түрлі  шаралар атқарылуда. Бүгінгі білім беру үрдісі адамның ішкі табиғи мүмкіндіктерін ашып, әр адамның өзінің «Менін» сезінуге, толықтыруға көмектесетіндей, сыртқы әлеммен әлеуметтік қарым-қатынастарда өз орнын табуға, өзін шығармашылықпен өзгертуге белсенділік танытуға ықпал етуі тиіс. Бүгінгі таңдағы қоғам кәсіби білімі жетік, құзіретті, бәсекеге қабілетті мамандарды талап етеді. Білікті ұстаз, білімді маман болу үшін — әрбір мұғалім өз білімін үздіксіз көтеріп отыруы тиіс.

         Осы орайда N36 Ә.Тәжібаев атындағы мектеп-лицейінде әр аптаның сенбі күні тәжірибе  алмасу алаңында кәсіби білікті шыңдау мақсатында түрлі тақырыпта коучинг-сессиялар өтуде. Мақсаты: мұғалім бойындағы және оқушылардағы көшбасшылықты дамыту. Тәжірибелі ұстаздарымыз ағылшын тілі пәні мұғалімі Ф.Садырбаева, бастауыш сынып мұғалімі Е.Мясцова, қазақ тілі мен әдебиеті пәні мұғалімі Г.Ергалиевалар жүргізген  коучингтер топтамасы бойынша берілген кері байланыс барысында мұғалімдер қауымы коучингтің өзін-өзі кәсіби дамытудағы тиімді тұстарын  ерекше атап өтті.