"KazRoboProject- 2021" ғылыми-техникалық жобалар байқауы жеңімпаздарын ҚҰТТЫҚТАЙМЫЗ!

    Таяуда "Цифрлық трансформация және жаңа өмір сапасы" тақырыбында "OPEN MIND" ашық инновациялар онлайн форумы өтті. Форум сессияларының тақырыптары короновирустың пандемия кезінде бүкіл әлемде болып жатқан жеделдетілген цифрлық трансформация бағытына арналды. Форум барысында кезінде Нұрсұлтан Назарбаев Қоры ұйымдастырған "KazRoboProject- 2021"робототехника байқауында және "Smart Zholy" хакатонында жеңімпаз болғандардың есімі анықталды. Жыл сайын осы жобалар еліміздің барлық аймақтарынан ондаған өнертапқыштарды анықтайтын бірегей жоба

   Қазақстандық білім беру және спорттық робототехника "КАЗРОБОТИКС" ФЕДЕРАЦИЯСЫ" Республикалық қоғамдық қоры бірлестігі ұйымдастыруымен және Нұрсұлтан Назарбаев Қоры серіктес демеушілігімен өткен республикалық ғылыми-техникалық "KazRoboProject- 2021" жобалар байқауында №36 Ә.Тәжібаев атындағы мектеп-лицейінің "Сұңқар" командасы мүшелері Ахметова Айша және Ғалымжан Дінислам "Жобаны техникалық қорғау" қосымша номинациясы бойынша арнайы диплом және ақшалай сыйлықпен марапатталды. 

    Жоба жетекшісі - Кушерова Айгуль Маратбековна. Оқушыларымызды және жоба жетекшісін атаулы марапаттарымен құттықтаймыз!