Наурыз - көнеден келе жатқан мереке.

Наурыз - көнеден келе жатқан мереке. Қыстан аман шыққан халық Наурызды асыға күтеді. Барлық қуаныш пен жақсылықтың бастауы болсын  деп тілек білдіреді. 

Наурыз мерекесінен балалар да шет қалмады. Ұлық мерекені балабақшадан атап өтудегі басты мақсат - салт-дәстүр, Наурыз құндылықтарын дәріптеу. Бұл - бала тәрбиесіндегі ең басты қағиданың бірі. Осындай игі шара мектеп-лицейіміздің жанынан құрылған "Балапан" шағын орталығында жалғасын тапты. "Балапан" тобының тәрбиешісі Құлымбетова Гүлсім Ғазизқызының  ұйымдастыруымен "Қош келдің, Әз Наурыз!" тақырыбында мерекелік шара болып өтті. Кішкентай бүлдіршіндердің ән шашуы мен би жарысына куә болып, соңы айтысқа ұласты.